【新增回應】

後日就42歲生日嘅言承旭，自從同林志玲分手後，就一直傳佢倆分手又復合又分手咁，不過今年10月，言承旭突然喺日本舉行寫真集發佈會嗰陣，爆咗句：「最要感謝女朋友在拍攝現場的陪伴。」而之後林志玲被問到係咪言承旭口中啊嘅女友時，佢就話：「好似唔係我」。

言承旭嘅感情狀況，大家一直都好關心，亦好想知佢口中公開認愛嗰位「女朋友」係邊個，但今日大陸就有傳媒圖文並茂咁指出，言承旭同台灣男藝人田家達喺酒店一齊住咗5日，而且仲話佢哋兩人相處時好小心，冇一齊出門之餘，就連叫外賣都要分兩次叫，而每次亦只叫一份，暗示佢倆hehe戀。

不過，翻查資料，其實言承旭同呢位細佢一年嘅田家達，喺12年拍大陸電視劇《因為·愛》嗰陣已經認識，兩人拍完劇之後亦都仲有聯絡，而當年言承旭仲話要介紹女仔畀田家達識。而田家達嘅經理人回覆台灣傳媒時表示言承旭同田家達喺北京只係室友關係，並強調兩人住嘅是單幢大樓而唔係酒店。

精選娛聞，喺晒《娛果》
http://fb.com/appledailyent