嚟到歐冠盃呢啲場合，名牌球隊為咗搵真銀，多數唔會手軟，皇家馬德里首仗已輸雙蛋俾里昂，今次回師主場對基輔戴拿模，絕對不敢「玩嘢」，可以大炒一仗。
皇馬今季搵到卡比路帶隊，又招兵買馬，野心唔係細，上仗聯賽都夠膽收起部份主力作客貝廸斯，結果都可以贏波，球隊攻守已經搵到平衡；今場皇馬主場出擊，更可放心捧場，相反基輔作客馬德里都冇咩運行，首仗主場都可以大敗俾布加勒斯特星隊，實力有幾多大家心照。立博開出亞洲盤，皇馬讓球半低水，以皇馬號召力，唔排除今晚轉讓球半/兩球，足智彩「讓球主客和」「主勝」只得1.75倍，係就係蝕水啲，不過都捧得過。

撐羅馬下盤補D

另外周三D組賽事，華倫西亞主場對羅馬，以實力計，兩隊雙雙出線應該冇問題，難得兩隊首仗已經有3分打底。華倫西亞今次主場出擊，理應可以捧，不過周日先大戰完巴塞隆拿，3日內要回氣未必咁容易。羅馬上仗大勝帕爾馬，真係當熱身賽咁踢，而且兩隊為出線啫，唔一定要首名，立博開出亞洲盤，華倫西亞讓半球中水，呢啲水位真尷尬，上盤成功率並不高；隨時雙方各取1分，對出線又問題不大，羅馬讓球下盤要得過外，貪心可以買埋個和局。
謝利
立博亞洲區首席博彩顧問
電郵：[email protected]