一般人係憎人富貴厭人貧,我每場帶隊前同師傅商量,人哋就話靠「父」蔭;做過禾達史密夫助手,唔代表就此扶搖直上;蘇格蘭去唔到歐國盃係咪唔抵?你睇睇連羅馬尼亞及土耳其都有份,就知世事如棋,運氣係緊要過人氣。
我曾經教波教到降班,帶格流試過「打吡」7連敗,當時出街由街頭俾人笑到街尾,呢啲辛酸有幾多人知?食髓知味,我帶格流同國家隊喜歡順勢而上,冇錯喎,邊個話新官上任等於人事革命,沿用舊有班底何錯之有?因為個陣已經係最好,試問最好又點可以變得「再好」呢?
由格流到蘇格蘭國家隊,再到伯明翰並唔係符碌撞棍。嗱,我第一場帶隊就爆大冷贏波,仲要贏熱刺!今次人工升3倍,並唔係浪得虛名嘅!
文:阿呢斯奧