舒淇呢排四圍飛為電影《西遊‧降魔篇》宣傳，雖然工作好忙，但舒淇愈忙愈醒神。而舒淇同緋聞男友馮德倫嘅戀聞疑幻疑真，早排仲傳佢哋美國秘婚，今日舒淇喺微博上載一張拖喼相，似乎係忙完手頭工作去旅行喎，佢風騷留言話：「悶了一整個假，一同出門去嚕（咯）。」認真春風滿面﹗而呢個「一同」可圈可點，唔知馮德倫會唔會一同去呢？又唔知會唔會俾人洩露行蹤呢？