當年今日
關於我們

「佢直情發咗癲」
阿B兒子壓力大發狂咬范姜

蘋果日報 2002/08/16 00:00


鍾鎮濤昨日接受商台主持查小欣訪問,他除了自揭長子鍾嘉浚曾因壓力太大而情緒失控咬人外,更暗示前妻章小蕙管教子女無方,縱使自己將子女教好,但數日後他們又會變成另一個模樣。
鍾鎮濤(阿B)昨日在查小欣商台節目《茶㷛裏的查篤撑》之「誰人真心伴我行」訪問中,大談做單親父親的感受,他表示除了自己要輔導小朋友外,范姜也要幫手。
阿B說:「淨係話畀佢哋知乜嘢係啱乜嘢係唔啱,已經好頭痛,大嗰個(指鍾嘉浚)讀中文學校時壓力好大,試過有一次,佢直情發咗癲咁,同隔籬屋啲人玩,人哋話要返屋企食飯,佢癲到要拆人哋道門!當時佢好憤怒咁發洩,要㩒住佢喺地下,佢重咬到范姜好大個牙印,真係驚佢癲咗。」

「管教方法唔同」
阿B表示,過往嘉浚的思想與一般小朋友很不同,但現在已經轉好,喜歡結交朋友;至於女兒嘉湄則終日開心笑,沒有任何問題。為了照顧一對兒女,阿B費盡心思和時間,阿B說:「真係非常辛苦,因為對仔女唔係日日同我一齊,兩邊(指他與章小蕙)管教方法好唔同,我教到佢哋好好,見到人要叫人好有禮貌,但一兩日之後就完全變晒,我諗小朋友自己都唔知點解會變成另外一個樣。」此時主持查小欣即插嘴,指不可以在小朋友面前講母親壞話,阿B說:「係呀,呢樣係最難,但我控制唔到對方唔講我壞話,而且對方唔單止一個人,重有老人家喺度,好多旁邊人喺度,又點樣解釋奸同忠呢?總之盡量輔導佢哋走正路啦。」

「面口變得好快」
查小欣問阿B是否仍然嬲某人(即章小蕙)時,阿B直認不諱說:「嬲就梗係有啦,有人不停提住我,咁冇辦法唔嬲。」未知現實生活中,又有沒有人因太過現實而令阿B感到極不舒服呢?阿B無奈地說:「呢幾年起起跌跌,有啲人面口變得好快,詐睇你唔到都有。」
而阿B與章小蕙前晚各自各精采,前者到灣仔會展欣賞演唱會,後者則在中環蘭桂坊出現,但未肯跟傳媒傾談。