當年今日
關於我們

隔牆有耳:屋宇署做粉紅救兵
助葉劉關注滲漏 - 李八方

蘋果日報 2018/12/20 05:20

隔牆有耳葉劉粉紅救兵

講起滲漏,係女士都會有啲棹忌,但68歲嘅新民黨主席葉劉淑儀就好open,出埋粉紅banner加埋一滴血,惹嚟唔少人無限聯想,但查實佢只不過係搞樓宇滲漏講座,都唔知點解大家想入非非。之不過佢呢張banner確實成功,滲漏到底要點補救?當然包括要抽水,估唔到屋宇署都抽得幾出色。

屋宇署噚日喺facebook出po,話「樓Sir都大大力支持樓宇要keep fit做好保養呀,杜絕滲漏、裂紋、石屎剝落等問題,咁就可以住得安心啦~」突然間點解出個滲漏po?睇吓hashtag「樓宇唔保好易老」、「樓宇滲漏講座」等,試問又點會唔關葉劉事呢?再睇埋佢哋幅粉紅色兼有滴血嘅圖,大大隻字寫明「滲漏 No More」,心中有數嘞啩。

有網民留言「乜嘢水都抽乾,仲點會滲漏!」另有人乘勢叫屋宇署整個新吉祥物「驗樓淑儀」,唔知葉劉會唔會自動獻身?