今次賴維銘的「贏馬神器」事件被起訴，早已惹來不少爭議。

該場賽事當中，不少馬迷認為由貝力斯策騎的「勁得手」亦同樣有份帶放，卻不被起訴，令人質疑華洋有別。

今日（30日）馬會宣佈最終判決，指賴維銘雖未有承認控罪，但全部指控成立，因此被罰停賽十個賽日。

但出奇地，停賽日期追溯至3月31日開始，因此賴維銘停完明日（5月1日）谷草賽日後便可出賽。

翻查資料，由早前馬會新聞稿所見，賴維銘於3月24日因右腳扭傷，馬會首席醫療主任向董事匯報指賴仔不適宜出賽，但現時卻當成為停賽期，情況罕有。

今次馬會破天荒設追溯期，相信是因輿論壓力而跪低。早前更有網民發起聯署聲援賴維銘，指馬會對華洋騎師態度及處理手法有別，是有偏頗之嫌。但指控已落，又怕難落台，判罰又怕犯眾怒，只好以此計解決窘境。

周日（28日）冠軍賽馬日的女皇盃當中，田泰安策騎「馬克羅斯」沿途領放，沿途時間比標準快3.24秒，賽後既無處罰亦無問話，而賴維銘卻被重罰停賽實在予人不公允之感。

---------------------------
4月30日 10am-11pm
玩《MINI GAME大挑戰》
贏取「獅球嘜白松露香味芥花籽油」2支
https://bit.ly/2WigzsG
---------------------------
星期一至五晚上10點半
《動腦Q》Let's Q the money！
http://bit.ly/2QW8LcI