童星出身嘅18歲韓國女星金香起，憑賣座韓片《與神同行》系列而為港人熟悉，年紀輕輕嘅佢演技了得，更曾經同多位型男合作過。金香起早於27個月大時就以廣告模特兒身份入行，隨即與45歲型男鄭雨盛拍攝廣告而爆紅。

金香起及鄭雨盛相隔16年再度合作，拍攝新片《證人》，鄭雨盛飾演為殺人嫌疑犯辯護嘅律師，金香起就飾演兇案唯一目擊者嘅自閉症少女。《證人》將於下月喺韓國上映，金香起及鄭雨盛今日聯同導演出席發佈會，被問到當年合作廣告一事，兩人笑言相隔太耐已經唔記得，金香起表示：「當時係我第一個廣告，一切都好陌生，覺得好驚，事實上我已經唔多記得當時嘅情況，都係聽返人講，話導演當時想搵其他演員代替我演出，不過(鄭)雨盛叔叔就行過嚟向我伸出手，我望咗一陣就拖住佢一齊行。」引起爆笑。

精選韓流，喺晒《娛果》
http://fb.com/appledailyent