緊接無綫「神劇」《神探高倫布》出街嘅《情越海岸線》，總算為無綫挽回啲面子，今日監製梁材遠率領一班演員去荃灣做宣傳時，公佈平均有26、27點收視（約167至173萬人次收看），贏咗得21點平均收視（約135萬人次收看）嘅重頭劇《金枝慾孽貳》。之前有劉俐同李綺雯性感拍宣傳片，今日仲有朱璇晒腿謝眾。

今日陳展鵬、李詩韻同黃浩然都有做宣傳，不過傳同陳豪就快結婚嘅陳茵媺就因為放假而缺席。眾人喺台上玩釣魚遊戲，又即場喺平安包上吸印派畀觀眾，吸印時都戴晒手套，夠晒衞生。

對於收視咁好，陳展鵬話：「收視OK都OK，作為演員收視唔重要。」至於李詩韻，佢同陳展鵬嗰場激吻戲夠晒激，詩韻話： 「第一集我同家姐、菲傭坐定定睇，但出場我就同展鵬激咀碌落梳化，搞到好尷尬，即刻叫菲傭斟橙汁使開佢，家姐都話好激！」 另佢喺劇中同前男友鄧健泓做舊情人，原來監製梁材遠有問過佢有冇覺得唔舒服，詩韻坦言： 「我哋係專業演員，唔會面左左，唔會尷尬。」


逢周五隨《蘋果日報》附送嘅時尚美容雜誌《add》第三期雖然早已派完；拎唔到書嘅朋友，可以上番《add》嘅官網 http://add.appledaily.com睇番足本網上版，除咗有何超瓊專訪，仲有好多時裝靚嘢睇！