其中橫洲福喜街又見水浸,水深兩呎餘,巴士不能行駛,村民涉水進出,大部份人捲起褲管赤腳行走。有食環署車輛及寶馬私家車被困水中,水深浸過車胎,寶馬司機不敢開門落車,恐洪水湧入車內。
有女村民表示在附近住了20多年,「未試過浸得咁犀利,好大雨,但天文台冇報黑雨、紅雨,巴士都出唔到嚟」。另一名村民Angela亦表示︰「呢度成日水浸,試過浸過腰,我住咗10年,年年都係咁㗎,我投訴過渠務署,做過渠道工程都係浸,因為係山水,大雨就有洪水衝落嚟浸。」
元朗區議員楊家安表示,福喜街的水患來自山上的黃泥水,加上去水渠淤塞,雨水渠積累大量泥沙,每逢大雨都出現水浸,他已多次向區議會及渠務署反映,可行方法是覓地建渠引走山水,但礙於涉及收地問題,一直遙遙無期,他擔心正值雨季,水浸問題還會困擾橫洲至少6條村莊包括定福花園及福慶村多年。他促請政府相關部門採取解決方案,甚至收地造渠杜絕水患,民政處亦應協助受災村民。
■記者劉柏麟