香港建設（190）噚日復牌，宣佈引入Cerberus基金為第2大股東，配股完成後將持港建約19%股權，並派一名代表做港建非執董，除股份有1年禁售期外，Cerberus還會向港建提供5億美元的有抵押定期貸款融資，為期3年。
交易反映呢個基金入股係有頗長時間嘅engagement，並非一般對沖基金快閃黨。港建原大股東黃剛及另一對沖基金Penta亦會以現金認購新股，前者持股量由54.6%降至46.2%，後者持股量則維持不變，但就由第2大股東變成第3大股東。
翻查資料，Cerberus資本管理係一個非常龐大的美資私募基金，由美國前財長斯諾統領，單計今年5月斥資55億歐元收購Chrysler車廠，便可見其財力。最近Cerberus擬收購福特車廠旗下兩個豪華品牌，正當令人以為該基金對汽車業情有獨鍾之際，突然爆出買港建之交易。
完成以上認購交易之後，港建可籌集的資金達55億港元，但據通告講咁大筆錢將用於業務發展特別是地產業務，而非港建另一項業務風力發電，另從以上交易亦可見到，私募入股同時要求入董事會，同對沖基金係兩回事，背後的Implication，係咪Cerberus現在才長線睇好國內地產前景？

這邊廂美國私募來港掃貨，那邊廂香港公司永義實業（616）卻以換股方式去買美國納斯達克OTC上市的WitsBasin，不過命運迥異，以停牌前2.80元計算，該交易總值93.6億元，但在兩日股價勁跌65%之後，交易額只係32億元。WitsBasin在墨西哥及南非均有礦業權，但與永義實業合作在國內開礦卻未必有優勢，同時永義實業為一隻純殼股，NAV僅4.3仙，兩家公司都持續虧損，前景如何真係天曉得。