本身是排球女將的鄧麗欣（Stephy），在ViuTV新劇《男排女將》中飾演前港隊女排，在劇中訓練一班包括MIRROR、ERROR及顧定軒的小鮮肉，Stephy自認年紀不輕，大讚小鮮肉正之餘，又努力記憶眾人戲裏戲外名字。新劇今日在元朗開鏡，出席還有與Stephy有感情線的陳宇琛，另外余香凝的胞妹余潔瀅亦首次參演長劇演出。

Stephy相隔16年再次拍電視劇，上次的《戀愛自由式》都是與運動有關，Stephy更有不少水着look，她說︰「再拍劇真係好唔慣，拍攝期3個月，幸好做足心理準備，而且每日12個鐘，時間穩定。」Stephy透露，高興聖誕節及新年可以放假，趁機會爭取拍拖時間，至於男友的聖誕禮物，Stephy說︰「冇時間準備禮物，要等下一年。」

在劇中擔任排球教練與小鮮內合作，Stephy說︰「小鮮肉梗係正，我同佢哋相比屬於皮膚最黑嗰個，為咗同佢哋溝通，要惡補年輕人術語。」唏噓頓成為前輩的Stephy又稱︰「人會長大，諗番自己組合年代，原來要記佢哋啲名確實有啲難度，又要記真名、戲名，記埋打咩位。」Stephy透露在拍攝時有從旁講解排球述語及手勢，她說:「Ian係港隊，佢都識啲，拍嘅時候都有諗起自己嘅故事。」

而MIRROR的Edan則大讚Stephy沒架子易相處，Anson Lo說︰「同Stephy對戲好專業，佢嘅眼神完全冇猶豫。」至於ERROR的肥仔亦表示，其高度對打排球沒有先天不足，因為自己有跳蹈底子可以多跳躍，他說︰「我試鏡時話自己好鍾意排球，希望爭取到演出機會。」另Anson Lo就表示，自己曾是校隊，但原來姿勢錯誤，在拍攝前要從頭學起。

採訪︰張明、攝影︰林賓尼

-----------------------------
《2019高級珠寶鑑賞誌》
點擊即睇過百款鑽飾名錶
-----------------------------
【匿名港警爆大鑊】
韓國KBS時事節目《時事直擊：香港 被自殺》
一按即睇