鄭秀文（Sammi）同許志安去年12月，喺印尼峇里島舉行訂婚儀式後，度過首個農曆新年，而Sammi同安仔今年選擇留港度歲，同一班親朋好友歡度新春。今日有報道指Sammi已當正係許家新抱，仲大派「許」姓字樣大利是。

兩口子Call齊老友年三十晚及年初二食團年飯及開年飯，當中包括張衛健夫婦﹑蘇永康﹑雷頌德夫婦及歐陽德勛夫婦以及梁漢文夫婦等。

而Sammi更自封「潮女」，即係潮洲女仔，似足賢內助一樣，揸晒主意幫安仔搵利是封及包利是，兩人儼如老夫老妻，好sweet。另外，報道又指剛從東亞過檔太陽娛樂嘅安仔，有意拉攏Big4及雷頌德等過檔，重投黃柏高旗下大展拳腳。

而噚晚Sammi亦喺微博吐心聲，表示自己好鍾意過年，佢話：「很喜歡過年，雖然並沒有什麼特別別出心裁的節目，但真正的快樂很多時都是簡簡單單和簾（廉）價的，一切來自於心態。今天，到超市買蔬菜，不能大吃大喝了，得為下一波的工作作好準備。」