【謝港人賜勇氣】flumpool苦練學友霆鋒名曲 主音高呼：香港加油
蘋果日報 2019/09/15 15:24
山村隆太香港加油flumpool
日本樂隊flumpool如願舉行首次香港演唱會。
日本樂隊flumpool如願舉行首次香港演唱會，昨晚吸引不少忠實粉絲捧場，4子在兩小時的港騷上絕無欺場，唱出多首新舊Hit歌，還大唱廣東歌盡顯誠意。主音山村隆太病癒復出，先以《成為花朵吧》打頭陣，當他唱罷《labo》及《向星星許願》就講：「Hong Kong！大家好！我哋係flumpool。」全晚利用普通話跟歌迷交流，並說：「謝謝大家。太近了，很緊張。」並大晒廣東話：「我係隆太。食咗飯未呀？準備好未呀？今晚大家要一齊High爆！」
flumpool為香港Fans大派驚喜，山村隆太特別苦練廣東話唱張學友名曲《每天愛你多一些》，雖然只是副歌部份，但已獲全場報以熱烈掌聲，旁邊的結他手阪井一生不失幽默作風說：「我都有準備。」繼而響起熟悉的旋律，阪井竟以標準發音演繹謝霆鋒的《活著VIVA》，令歌迷拍爛手掌，之後阪井更拋出廣東話：「講呢啲。」至於鼓手小倉誠司也大晒廣東話，並說：「多謝大家今日嚟我哋嘅演唱會。最後祝大家中秋節快樂。」新婚半年的低音結他手尼川元氣就較為「惜字如金」，只說：「我係元氣、多多指教。」
接住唱《World Beats》，山村帶領全場一同哼出副歌的「oh yeah」，並大叫：「香港加油！」台下即有歌迷感動尖叫。唱至安哥，山村與隊友再次站台，他說：「多謝你哋Encore。」跟着唱出與五月天合作的中文版《OAOA》；去到尾聲，山村表示在香港演唱會上唱第一首中文歌《証明》十分感動，用普通話說：「我們約定會再來的。」完場時，全場歌迷再嗌Encore，之後再多謝大家，山村自言很感動，大會拿出手機跟觀眾拍IG限時動態，臨走前再次承諾「一定會回來」，4子拋結他pick，大汗淋漓的小倉誠司還立即脫去身上T恤掉給歌迷。
台前螢光幕打出「我地（哋）愛香港」字幕，flumpool成員則在騷後透過社交網多謝Fans，山村在Twitter表示聽到有港迷講：「謝謝你們在這個時候來香港。」表示從香港人中獲得勇氣。
四子演出充滿誠意，打動港迷。
主音山村隆太用廣東話唱出《每天愛你多一些》。
開騷期間更高呼：香港加油
flumpool為香港Fans大派驚喜。
flumpool成員在騷後透過社交網多謝Fans。