當年今日
關於我們

  馬丁解釋「裡應外合」 - 李八方

蘋果日報 2004/08/06 00:00


九月立會選舉,功能組別嘅小圈子選舉就有十一人唔使選,直入議事堂,有啲成日開緊會瞓覺嘅都照樣當選,你話幾唔公平。
白鴿黨前主席李柱銘今年排第二,自己都話驚驚哋要搏老命拉票,所以冇得好似以前咁健康朝朝行山,改咗去派傳單。
有一日,馬丁咁啱撞番位行山友,其中一位女士同馬丁講,為咗支持馬丁,佢一家五張票都會投晒畀民主黨,其中一張係佢同老公攞嘅,因為佢先生成世人從來冇投票,今次叫埋佢投。馬丁聽到當然高興都不得了,亦不枉咁早起身。
至於早前俞琤話佢曾經同大班協議過「裏應外合」,馬丁覺得好奇怪,因為佢記得好清楚係九五年嘅陳年舊事,當時大班想參選砌低李鵬飛,馬丁同佢分析話唔好,怕會嚇怕工商界,而且大班繼續做電台,對個社會貢獻更大,就係咁啫,點叫得做乜嘢「裏外合應」。


傳真︰2623-9278
電郵︰[email protected]