當年今日
關於我們

隔牆有耳:
腳震淆底 戴耀廷:撐落去 - 李八方

蘋果日報 2013/03/12 05:20

隔牆有耳

提出萬人佔領中環嘅港大法律系副教授戴耀廷,外表斯文、肥嘟嘟,好多人都驚訝佢原來咁「激」。不過,佔領方案近排喺社會越來越廣泛討論,得到越來越多市民支持,戴耀廷就成為左派主要攻擊對象,佢之前都透露正受「隱晦嘅威脅」。
教授早前接受《獨立媒體》訪問時仲自爆其實好「淆底」:「我真係話畀你知,我好驚……有時我真係諗到自己對腳冇晒力,咁落去我頂唔頂得順呢?」佢話由原本仲有少少革命浪漫,到𠵱家埋身肉搏,佢得出嘅結論係──驚都要撐落去,但其實佢只係想同香港人一齊爭取,希望有朝一日可以等到真普選。戴耀廷,加油呀!