麥玲玲、張致恆(Steven)及曾俊華，今日於深水埗出席「導盲·Guide Dog」籌款活動。麥玲玲於活動中義賣狗年運程書，並為善長簽名留念，麥玲玲表示，其運程書近年未能取得內地銷售批准，更被盗版損害利益，麥玲玲話：「因為內地覺得運程書唔太適合，我喺最後一次出書都要改名，用麥先生先出到，過去賣到20、30萬書，我今次出書3日之後，內地就有翻版出現，唯有當係宣傳，希望翻版者唔好增減內容。」

Steven隨後為活動到台灣出席環台跑籌款，佢話：「我有跑開全馬、半馬，今次會跑30公里左右，唔會吃力，不過要開練操練、節食。」