【韓流】《孝利的民宿》下周日首播 打工妹IU「釣魚」超萌
李孝利IU李尚順
由韓國性感歌姬李孝利孖音樂人老公李尚順拍攝嘅真人騷綜藝節目《孝利的民宿》,將於下周日首播,早前佢哋已邀請咗「國民妹妹」IU做嘉賓,IU要到民宿打工做打工妹,早前佢哋已喺濟州完成拍攝工作。
而喺節目公開嘅預告片中,就可見IU因為太攰關係而喺民宿門口勁「釣魚」(打瞌睡),點知當李孝利一叫佢個名時,IU即扮唔眼瞓驚醒應對,IU個可愛反應即時俘虜咗觀眾嘅心,網民大讚IU好萌唔造作,亦話單睇預告令佢哋好期待個節目。
預告中亦可見IU為李孝利間民宿打掃,其間又跟李孝利學瑜珈,不過IU似乎冇乜天份,見佢做啲拉筋動作都表現好辛苦。