當年今日
關於我們
隔牆有耳:龍應台愛將 李應平接掌光華 - 李八方
蘋果日報 2012/08/14 00:00
台灣才女張曼娟被召返寶島,佢擔任嘅光華文化中心主任一職,由台灣文化部長龍應台嘅愛將、原文化部部長辦公室主任李應平接掌。龍應台形容光華中心主任係「台港的橋樑」,要透過文化、行政能力同文化網絡,將台灣同香港主流社會以及年輕人連結。
而獲委派來港做搭橋嘅李應平今年42歲,文化、行政資歷相當深厚,搞過唔少大型文化活動;佢喺2007年受龍應台招攬,擔任龍應台文化基金會執行長,亦參與同策劃過兩岸多項文化活動,成功搭建出公民社會平台。唔知佢嚟港後,會有乜大作呢?