當年今日
關於我們

【蔡志明專訪】講投資港樓 「宜家買唔落手」

蘋果日報 2018/09/18 00:03

蔡志明玩具大王

【新增影片】
蔡志明逾千呎的辦公室裡,其中一幅牆掛滿他買入的物業照片。過去廿多年,他不斷在市場掃貨,每次也低買高沽,幾乎從未失手。然而,對香港現時的樓價,就連這位「地產大豪客」亦慨嘆「太貴,買唔落手」,更明言看不通後市,「邊個話識睇(樓市),我覺得無可能,依家世界唔同以前啦!」但生意人不可以不搵錢,所以3年前起,他轉到澳洲大手買入工商大廈、酒店,包括澳洲悉尼交易中心(Exchange Centre)全幢商廈,未來更會買地起樓,目標瞄準彈糧充足的中國新移民。
蔡志明1997年起,成為本港地產市場紅人,幾年間連環斥逾十億元,掃入商業大廈、豪宅等。他說,旭日大小投資都做,「成幢(物業)嘅我哋又買,一個單位都會去買」只要計到數,回報最少有3厘,都會考慮。但自去年起,已減少投資物業市場,「直到前年都有買樓,但今年真係愈來愈貴,買唔落手。買賣物業係睇回報,要考慮租畀人有幾多收入,放喺度有冇機會幾年後賣出去呢?如果回報得1%,點知樓價會唔會繼續高,若第二日跌返落嚟,咪投資不利。」
這兩年蔡志明買的主要是舊樓住宅,每個單位買入價僅約千多萬元,「過億個啲(一手樓)真係買唔落」,把單位翻新後再出租,平均租金約4至5萬元,「有3厘回報都OK,望佢升值。」他認為,目前香港樓價實在太高,高到不正常,「我啲伙計好多都係大學畢業,兩夫婦都喺我公司做,都同我講供唔到樓,一年(人工加幅)有8至10%,都算唔錯,但佢哋唔生BB,都供唔掂。到儲到首期,樓價又升,又要怕加息。」
至於有沒有趁樓價高企沽貨?他坦言有沽貨,但其實心裡不太想賣,除了因為怕以後買不回來,還有一份情意結,「我自己嘅根喺中國同香港,如果中港物業都沽哂,我就一啲樂趣都冇啦,因為我始終要住喺香港。其他地方去玩下就得,要長期住就唔得。」樓市未來走勢如何,蔡志明亦自言睇不透。他認為,中美貿易戰多多少少都會影響商家和廠家,若情形繼續惡化,樓價或會回落,但「邊個話識睇(樓市),我覺得無可能,而家世界唔同以前。呢兩年我都好懷疑自己估計的嘢啱唔啱,所以先搵第二條路去其他地方投資。」他口中的「第二條路」,就是看中澳洲,他認為雖然當地物業不是特別便宜,樓價升幅每年約有5%至6%,但回報合理,例如商業中心回報有約4厘,悉尼北部更高至6厘,而且出租率高,兼有升值潛力。
蔡志明目前在澳洲擁有3棟商用物業,包括去年斥近20億元買的悉尼交易中心全幢商廈,他不願透露投資總額,「唔係好多啫!」但會慢慢增加。他指,下一步將在當地買地起樓,主要看中愈來愈多中國人移民當地,或到當地投資。
記者:陳雪蕾
全球樓行 Dream House零距離
https://hk.feature.appledaily.com/overseasproperty
empty
蔡志明表示,港樓目前買唔落手(馬泉崇 攝)