當年今日
關於我們

【玩家實報】Slide the City終於重開 市民等咗3個鐘先入到場

蘋果日報 2016/08/24 15:55

Slide the City

位於中環海濱嘅Slide the City幾經波折終於喺今日下晝2點鐘開幕,由於有傳條招牌瀡滑梯有安全問題,而且今朝大會冇事先通知,導致有市民一早嚟到先知冇得玩好失望。不過仍有一部份市民繼續留喺會場,到重開嘅時候入場玩。
面對安排失當,安全問題嘅疑團,到底仍然在場嘅人士玩完之後有咩睇法呢?鄭小妹妹同盧小妹妹話:「今日喺出面等咗3個鐘,o依家終於可以入到嚟。人少啲反而好好玩,玩完之後好涼爽,同埋好刺激。」被問到會唔會覺得個滑梯上面好搖晃?佢哋話:「唔會喎。」
市民羅先生表示,等咗5分鐘時間就可以玩呢個瀡滑梯,唔係排咗好耐。被問到對個滑梯有咩睇法?佢話:「好安全,好好玩,好刺激。」
市民盧小姐,盧先生都係玩瀡滑梯,佢哋話:「玩咗兩次,人少啲開心啲,因為唔使排咁耐。」佢仲話佢哋本身係買3點至6點嘅section,所以冇影響。佢哋話玩滑梯嘅時候,每一組10個人上去,之後輪瀡落嚟玩。咁喺上面等會唔會覺得好搖晃呀?佢哋都話:「冇呀,安全嘅。」