香港影人讚丹素實至名歸

蘋果日報 2002/03/26 00:00


導演霍耀良 :羅素卻爾輸畀丹素華盛頓我覺得唔出奇,因為我睇過《有你終生美麗》,同時亦睇過部戲真正男主角嘅訪問,發覺羅素卻爾扮得唔係咁似,有好大可能會係因為呢個訪問令佢失分。

影評人己駿 :雖然荷爾芭莉喺賽前唔係最熱,但係佢後來個勢好強勁,自己未睇過呢套戲唔敢去評佢演技。至於丹素華盛頓的確係實至名歸,我覺得佢做得好過羅素卻爾,掌握得個角色好好。

演員黃秋生 :我一早睇好丹素華盛頓攞獎,因為佢呢部戲做得好好。至於出爐影后荷爾芭莉部《孽愛傷痕》我就未睇過,所以好難評論。