1995年8月7日創刊，2015年8月7日告別，剛好20年。底子厚、銷量急跌，仍是冠軍。終結號連封面封底廣告，合共137頁廣告，多平時一倍，久違了逾200頁的厚度。遲來的春天，趙偉堅沒傷春悲秋，「在商言商，廣告商喺最後一期落廣告，係對我哋20年工作投下信任一票，只有感激」。全金色的封面，由不同舊封面砌成「後會有期」四個大字，「金色難乾，要早啲印，但最後一次，希望做到最好，真正華麗下台」。
2011年6月，刊登了藝人黃宗澤在家中的全裸照，被投訴侵犯私隱，回首前塵，趙偉堅承認錯了，「錯就係錯，唔會迴避」。哥哥的經典拖手，早前唐唐透過經理人，索取相片做紀念，「冇可能再影得番，很難得」。正因難得，特別珍惜。
離開16年的崗位，趙直言心情複雜，但沒有怨恨。「好多同事做咗好多年，由細路女做到阿媽，有經濟負擔嘅，當然會比較擔心」。
人物組記者的林雷，在她的專欄以〈有型地死去〉為題，悼念她做了14年的公司：「在潮流興跳船的世代，能在這艘華麗沉船內玩到最後一刻，然後乘風歸去，仲唔係與有榮焉？」最後一夜，找友好藝人拍攝「摺前感言」、誠邀讀者以互動方式設計封面，一句「咪等摺咗先講」，沒半點傷感，「希望可以最漂亮、最有型咁死」。
■記者呂麗嬋