【Encore《劃火柴》】淚灑舞台 陳曉東拖兩千金合唱「捱不大的歌」
紅館 演唱會 陳曉東 王妤嫻
僅此一場的「Planet XT 陳曉東世界巡迴演唱會」香港站，今晚在紅館舉行，雖然東東在開騷前與太太王妤嫻齊齊要去醫院交「醫藥費」，幸好未有影響東東演出的心情。
在今晚的演唱會開始前，見有不少歌迷在場外拍照留念，特別是由歌迷會製作的IG相框，讓每位歌迷都可以持框與東東合照。而東東的父母、太太、兩位千金及弟弟都有去捧場，舞台為三面台，全場爆滿。
2325 東東走到台前喊，又與fans握手，說完「多謝晒你哋」後便落台。不過，觀眾不肯走，情況維持約3分鐘，東東再現身，更笑言：「唔畀人瞓覺，沖涼換衫嘅。」接着就問觀眾：「再唱咩好呢？」接着便再唱《劃火柴》，全場大合唱。
2323 東東在台上感性說：「我真係好掛住大家，好想再返呢個舞台，唔知係咪可以入紙成功。非常感謝大家陪伴，多謝你哋一路嘅陪伴同支持，多謝咁多年來仲相信陳曉東嘅朋友。最後就算有咩問題，都保存初心，堅持信念，今日明白到成功只係一個表面嘅裝飾，失敗先係人生嘅財富，唱一首我成日用嚟鼓勵自己嘅歌。」之後就唱《阿信的故事》主題曲《信》。
2318 在唱完《甚麼吸引》、《一個人》、《感情豐富》和《生命你好》後，就到encore時間，東東換了一套銀色閃爆上衣再登場唱《一次真愛追尋一百次》，期間fans又衝去台邊與東東握手。
2250 東東換上白色閃閃西裝，拖着孫楠，東東透露當時北上工作，人生路不熟，幸獲孫楠將自己介紹給其他朋友認識，令他感受很深。當時他與孫楠及那英經常在北京一起玩，東東指益良多。孫楠再爆東東有個外號叫「金剛」，喻意「金剛不壞之身」。之後兩人合唱《心有獨鍾》。
2246 東東的兩位女兒在台上出現，並大叫「爸爸」，之後東東用國語問兩女：「跟大家打招呼，你們來做甚麼？」女兒們答：「我們來唱『捱不大』的歌。」跟住兩個女用BB聲清唱《劃火柴》的「捱不大 捱不大 遺失中找註解……」雖然唱到亂晒籠，但非常好可愛。之後東東再同兩女一齊唱《劃火柴》，仲攬住兩個女一齊唱，場面溫馨，而東母在台下陪兩個孫女唱。
2240 東東說：「我哋排舞老師係麥秋成，多謝佢教曉我呢個蠢材。」現場fans大叫跳得好好呀，更有fans大叫除衫，之後東東尷尬地笑說：「大家咁熟講呢啲。」然後唱出《水瓶座》，東東走到台邊，有很多觀眾都衝到台前握手。
2227 東東換上銀灰色閃閃套裝跟10個dancers再登場，唱出由《特務》、《新歡加精選》、《急凍心靈》、《心理遊戲》、《結他》等組成的快歌medley。而唱到《風吹草動》時，與女dancer有辣身舞的東東，更借位摸女dancer心口。現場fans都投入地站起來狂跳，表現非常high，而唱完《結他》後，台上有煙花效果。
2222 東東在台上感性地說：「當我拎到呢個檔期嘅時候，我第一個同我媽咪講，佢坐喺梳化話『如果呢樣嘢係你想做，你就去做啦。』至於爸爸則話『你心路歷程我知道。』，佢哋講到好輕描淡寫，我知佢哋特別為我高興。」而此時東東亦忍不住哭了，之後東東的父母跟兩個女兒走到台前，東東媽媽更摸了摸他的臉。
東東又回憶演唱會差點要取消的時候：「我媽又再問我『你咁堅持為乜？』我話『唔經歷過呢啲風雨，點會見到彩虹？未必係因為你冇立即成就你嘅夢想，而係一直都有嘢打擊你嘅心靈，再去傷心失望同驚，我知道，即使今天我冇達成呢個理想，我都有條精采嘅路。』」現場Fans聽完後即狂歡呼和大叫加油，之後他便唱出其偶像陳百強的《畫出彩虹》。
2153 東東開始講話，他說：「人生裏頭，真係要選擇做幾件自己開心嘅事，好多時未必係工作關係。（觀眾大叫）你哋唔好搞喊我。」見他強忍淚水。接着他說：「從自己選擇咗做自己鍾意嘅事嗰刻，我嘅人生變咗另一種形式，放下一啲外界對我嘅目光，我就得到超然嘅自由。我哋每人都係一塊大磁石，好似今日咁，我就吸咗你哋埋嚟。好似啲蛇會脫皮咁，脫下，我哋都要脫下，唔應該因為苦楚，關閉內心，有唔開心嘅事，可以保持沉默，沉默唔係乜都冇，而係充滿咗答案。」之後他唱出《簡約主義》。
2143 東東換衫後登場，穿發光白恤衫的他坐在台邊唱出《感覺瞬間》和《黑色領帶》。
2125 東東在唱《幾分鐘的約會》的期間，嘉賓梁詠琪（GiGi）登場，全場歡呼聲不絕，東東拖着對方，高妹GiGi站在東東身邊明顯比男方高。GiGi指當年演《初戀無限TOUCH》，因為沒有太多時間溝通，但又要拍親熱戲，唯有狂聽東東的《一次真愛追尋一百次》等歌曲，幻想對方追自己。東東笑着提議拍續集《初戀無限keep in touch》，GiGi笑言：「仲初戀？講你結咗婚，我又結咗婚，黃昏戀㗎啦！」之後東東落台更衣，GiGi獨唱《嫌棄》。
2123 之後東東再唱一連串慢歌medley，他更走到台邊同fans握手。
2114 曲終後東東大讚：「好正喎！今晚揀咗好多歌呢，係想同大家全場大合唱㗎，你哋識唱一齊唱喎。」然後唱《病人》。
2110 之後東東唱出經典hit歌《猜猜猜》，他又問觀眾：「喂，你哋識唔識唱啫？捉你哋上嚟唱㗎。」唱到chorus部分，仲全場大合唱。
2104 東東換了綠色透視大褸，在升高的小舞台唱出《方向感》。
2050 東東先表示：「大家好嗎？歡迎大家嚟到香港紅館站，好高興見到大家，呢個舞台上過嚟幾十次，數唔到，但今晚真真正正屬於我哋嘅。」全場歡呼後，東東再表示：「我今晚揀咗好多不同時期嘅歌，大家不妨回想吓當時嘅自己，我哋係點樣一步一步走到目前。其實平時喺公開場合，我想同大家親密啲，想同你哋影吓相簽吓名，但有時趕通告做唔到，跟住唱呢首歌畀大家聽。」之後便唱出《愛你躲你》，全場更大合唱。
2046 空中舞台降落地面，東東再唱《質感》，期間走到中間T台問觀眾：「你哋識唔識唱？我哋一人一句呀。」
2032 演唱會開騷，東東以銀色閃閃太空戰士造型現身，他站在2層樓高的空中吊台清唱《一萬年》。
全港打工仔特約：Lun廚動腦Q
《Captain Marvel》完全導讀本
第二屆最港電影大獎投票網址