【另覓出路】初代《造星》疫市創業 193借湯漢斯金句再戰時裝界
蘋果日報 2020/07/24 18:30
ian時裝品牌ErrorMirror
因為ViuTV真人騷《全民造星》的關係，令娛樂圈多了兩隊男子組合MIRROR和ERROR，以姜濤為首的MIRROR，發展機會確實比ERROR還要多，結果搞到ERROR成員之一的193，一度在社交平台留言吐苦水。鍾意fashion的193，曾經幻想過自己可以成為一個fashion model，甚至是香港的嘅fashion icon，不過因為ERROR之名而局限發展。
入行前193曾經在時裝界打滾了差不多6年，他終於決定創立自家時裝品牌，而品牌的名字，原來是來自經典電影《阿甘正傳》中的金句「Life is like a box of chocolate」的簡寫，至於背後原因，193解釋：「這句話的下一句是『You never know what you’re gonna get』，呢句說話係講，人生好似開咗一盒朱古力，裏面有好多味道，但每次你攞都唔知自己攞咗乜嘢味、乜嘢形狀，就好似人生咁，可能係好甜或者好苦都唔定。呢個好似我嘅諗法，所以我揀咗呢句說話嘅簡寫做我嘅品牌名字。」
除了193外，ERROR的保錡和MIRROR的Ian、Tiger亦分別決定在疫情肆虐下創業。保錡說：「我想喺產品上記低屬於自己嘅回憶，譬如我講過嘅嘢，或者我作過嘅歌，每件衫都有個意思，都有自己嘅回憶喺入面。」他還表示全部事情都靠自己一雙手去做，絕不假手於人。
至於Ian就表示因為疫情關係，令他多了時間了解自己，原來他本身都喜歡時裝，最後決定成立自己的時裝品牌，雖然近日疫情嚴峻，但Ian未有擔心過，他說：「疫市開網店反而仲好，大家唔敢出街留喺屋企，反而多咗上網，喺網店購物意欲仲高，因為足不出戶就已經有貨可以送到屋企。」另一成員Tiger則表示是受到家人的影響：「入咗行後，爸爸叫我不如試下做自己嘅品牌，反正屋企一路以來都係做緊呢樣嘢。」Tiger最近找了Lokman和Alton一同合作，希望擦出更多火花。