現年44歲嘅韓國美魔女歌手Mina，前年被爆跟美聲團體SoReal嘅28歲成員Phillip撻着，二人公開母子戀後，即時引起網民關注。日前，Mina跟Phillip公開戀情後首次齊齊演出節目，Mina更自爆想生BB，不過男友就似乎唔係咁諗。

於節目《Video Star》中，Mina跟Phillip於節目中提到結婚及生B一事，Mina表示：「仔女嘅話，我希望能生一至兩個，如果能生雙胞胎就好啦。」不過Phillip就回應：「唔生都可以啊。」Mina聽到之後就顯得有啲傷心。

據知Phillip係因為考慮到Mina先認為唔生小朋友都可以，佢解釋：「平時Mina因為小朋友嘅問題一直都好有壓力，見到佢咁，我覺得只要我哋兩個幸福就已經夠啦。」