今個星期個市，真是令人懷疑人生！騰訊（700）可以一日跌廿幾卅蚊，還不止，第二日再跌四十幾！甚麼前頂支持，甚麼血肉長城，通通幫你插穿！明明是「雙十一」購物節，但是阿里巴巴（9988）、京東（9618）一成一成咁跌，直頭是「股份速銷日」一樣。傳媒們謔稱說今年是「傷十一」。

到底市場是不是不再擁戴新經濟、增長型的股票？而轉投舊經濟、價值型的股票呢？一下子，就連那些長年累月，跌跌不休的鐵路股、教育股都炒起了。唔通我真係要買？唔通我的人生就只係值得擁有這些垃圾？鐵路股，2015年「神車合併」到依家未好過；教育股，一年總有一、兩次大洗倉。

恒指距離26571點這一個7月份的陰燭頂，真正的牛熊分界線，一度只是剩低幾十點。現在再往上的空間只有不足400點，又或者是成萬點。這樣，我倒不如等佢一星期收穩在其上我再去博，否則，好容易摸頂高追。所以在今個星期要推股不容易，我唔講新野了，講返我講過的思摩爾（6969）。

集團是做電子煙，舊經濟，不怕資金的輪動，特別是當前兩日的整固完成之後，佢的股價繼續企穩在44.45元的前頂，便更見火候。股份剛被納入MSCI中國全流通指數，30日會有rebalancing，又看看有沒有大款要趕在當日前進場。策略是企穩44.45元買入，天空是頂，跌穿40元的話止蝕。

譚朗蔚

富昌證券聯席董事

-----------------------------

掌握理財智慧 感受生活品味

investMAN全新網頁 優雅登場

-----------------------------

部署退休 輕鬆達至財務自由

點擊即睇《退休理財天書》

-----------------------------

【全球樓行】 Dream House零距離

屬於香港人的移民攻略

-----------------------------

支持蘋果深度報道，深入社區，踢爆權貴，即Like蘋果專題及調查組FB專頁！