當年今日
關於我們

【訪港仲有3日】普巴第一站北京 上長城繼續DAB

蘋果日報 2017/06/16 07:53

北京法國英格蘭曼聯熱刺萬里長城保羅普巴DAB+洛里斯

等多幾日,香港魔迷就有機會親身一睹普巴風采啦!曼聯中場保羅普巴噚日已經展開一連五日嘅大中華之行,包括下周一應贊助商邀請,喺尖沙嘴出席活動。呢位24歲中場嘅第一站去到北京,當然唔少得一登長城做好漢,影番幾張遊客照,佢仲大擺招牌DAB「甫士」,真係一睇就知佢係普巴。
普巴嘅暑假其實啱啱先開始,因為佢周二先踢完法國主場3:2擊敗英格蘭嘅友賽,表現仲大獲好評,連曼聯名宿傑斯都開口讚賞。熱刺門將洛里斯接受英國《電訊報》訪問時亦大讚呢位國家隊隊友:「由於佢效力全球最佳球隊之一,目前仲有事情需要證明,但佢喺對英格蘭一仗表現出色,展示控制球賽能力,我毫不懷疑佢會越踢越好。」