【見步行步】小肥見大學變戰場感痛心 J. Arie：出街都覺得危險
蘋果日報 2019/11/20 14:50
小肥J.Arie
- 小肥與J. Arie今日到商台宣傳電影《獅子山上》主題曲《哪懼牆攀不上》。
- 問他們會否擔心電影票房？J. Arie直言大家冇心情外出：「出街都覺得危險，仲點expect人出街睇電影呢？」
- 問到兩人的工作可有受影響？小肥直言支持學生，J. Arie說：「見步行步啦，呢個時候都唔係講搵食嘅。」
小肥與J. Arie（雷深如）今日到商台宣傳電影《獅子山上》主題曲《哪懼牆攀不上》，兩人更有份為電影演出，可惜最後因片長問題被cut戲份。小肥坦言感到有點可惜，因為很想看到自己的演出：「其實我都係得5分鐘戲，但係自己好花心思去做。我做林德信一個好口賤嘅老死，直情將『賤』發揮到淋漓盡致。」J. Arie笑謂仍有半秒側面鏡頭：「原本一開頭就有我，因為我同導演喺《死開啲啦》合作過，嗰套係我第一部戲，當時我同林德信都係若有若無嘅感情，呢套電影就係延續呢段感情，仲用返同一個角色名Apple。」
兩人表示與導演感情很好，因此唱主題曲未有收取歌酬，笑指食一餐鷄煲已經可以。J. Arie更揚言視導演及林家棟為恩師：「因為《死開啲啦》係我第一部戲，所以佢哋叫我做咩都冇所謂。」
由於社會氣氛不穩，問他們會否擔心電影票房？J. Arie直言大家冇心情外出：「出街都覺得危險，仲點expect人出街睇電影呢？」小肥認為票房不是最重要，但希望為大家加一點油、打一點氣。
問到兩人的工作可有受影響？他們均認為對生活沒大影響，小肥直言支持學生：「好多時都係學校入面唱歌，啲學生都好支持我，見到大學變成戰場......」J. Arie更說：「見步行步啦，呢個時候都唔係講搵食嘅。」
採訪、攝影：盧妹