武漢肺炎逐漸在本港社區爆發，前線消防處救護員及醫護人員均疲於應付，而一直以來從事非緊急救護服務的醫療輔助隊近日亦有隊員被安排負責接送疑似武漢肺炎患者到檢疫或隔離中心，但在現時口罩與醫療消毒用品短缺情況下，有前線隊員指醫療輔助隊推出「限用令」，對防護消毒裝備實施「配給」，擔心隊員執勤時安全欠保障。

醫療輔助隊主要輔助消防處救護服務，提供非緊急救護服務，隊員與消防處救護員職能大致相同，但一般只擔任大型公眾活動醫護站及美沙酮診所當值、及非緊急病人救護車運送工作。醫療輔助隊隊員洋洋說，醫療輔助隊高層在疫症下反其道而行，不但未為前線增加防護裝備，反而推出「限罩令」要求少用口罩。

「武漢肺炎開始咗之後要限口罩配給，我哋每更只能夠佩4個外科口罩，至於護目鏡就更加唔使講，係完全爭取唔到，防護衣係知道個病人係發燒先可以着。」

「正常我哋係唔知(病人發燒)，係去到現場量到佢發燒，先會着保護衣。」洋洋說，如果該病人患有武漢肺炎但當時未確診，他們即使到場後揭發發燒穿回防護衣，但已經太遲。「其實好多瞞報，或者蓄意唔同你講。」

另外，雖然輔助隊的救護車內放有淺藍色保護衣，但「防護衣每架車有4套…想拎多套後備都難，而且按程序要通報控制室你用咗防護衣，佢地會問你點解用...程序好麻煩。」而車上的N95口罩大部分時間是「有得睇無得用」，洋洋指每更車出車前都要記數，明確指示如非接觸包括肺結核等確診傳染病患者，隊員不能使用。

「一日最高峰9轉車，約9個病人…再者我哋每日都唔止4轉，有時我哋有啲running call，響途中遇到啲緊急事故，咁你限咗我哋口罩，我地無口罩點落去處理個案呢。」但最令隊員為難的是，隊方有時連消毒工具也扣起。「(去)隔離營好啲，每一轉都要消毒，但平時發燒嗰啲，我哋都無時間去進行消毒，始終有時清潔用品畀人扣起左…(漂白水)要用嘅時候要去控制室問拎，但佢好多時會推你，問點解要全車消毒，你做咗單乜嘢要全車消毒，我唔見張order有傳染病等等。」

隊員唯有自己想辦法，「我哋會攞車上嘅酒精紙或者酒精搓手液頂住先，一定抹晒(全車)，高危位門柄、扶手抹住先。」洋洋說試過有隊員在酒精紙及搓手液用盡後，因無法再消毒下拒絕出車。「始終我哋有一種責任，係唔可以令傳染病spread to the community。」

就事件，《蘋果》正向醫療輔助隊查詢。

記者：廖怡德
-----------------------------
【匿名港警爆大鑊】
韓國KBS時事節目《時事直擊：香港 被自殺》
一按即睇
-----------------------------
【撐學生】
召集有心人 撐學生全年睇《蘋果》
立即按此
-----------------------------
你敢爆，我敢獎！ 立即WhatsApp《蘋果》24小時爆相爆片熱線 或致電：63836568