沒想過一個「街坊」來電，令新當選的西貢區議員何偉航與死神擦身而過！「有班村民想送個果籃多謝你，喺邊度畀你？」三個月前，何偉航聽罷這通電話前往收果籃，竟墮入陷阱遭4名兇徒用鐵通伏擊。據他提供一張從未曝光的恐怖照片，可見猶如毛蟲粗大的縫針傷口滿佈頭部，令人不寒而慄。遇襲後由忍痛、縫針至做手術，他一滴眼淚都沒流過，但當聽到年邁母親一句安慰的話，頓時令他哭崩：「佢（母親）依家70歲，我何偉航唔係做壞事嘅人，點解……要佢為呢啲嘢困擾？」

記者：郭美華 黃學潤

今次是何偉航12歲患骨癌以來，第二次經歷生死時刻，他形容遭兇徒用水喉通和木棍狂毆一刻，曾想過自己可能會死。9月29日當日，他原本在西貢市中心舉辦活動，但臨時取消，原已駕車離開的他，突然接獲一個來自太空卡的電話說：「有班村民想送個果籃多謝你，喺邊度畀你？」不虞有詐的他遂折返萬年街，「泊完車過完馬路後，就突然俾人用水喉通襲擊！」原來「送果籃」是一個局。

事發後，附近獸醫護士趕來救治，街坊叫他撐住，送院後他頭部縫上7個傷口，猶如一條條粗大毛蟲，最長5厘米，右手大拇指骨碎、食指和無名指骨裂，最嚴重是左手食指，「啲骨斷開，要做手術，從指頭和側邊插入兩支鋼釘，防止啲骨生歪！」不幸地，手術後6個星期，左手食指骨仍未「生埋」，令他心急如焚，因鋼釘不可長期插入避免細菌感染，醫生只好延期至第8周才拆鋼釘，幸過了兩星期食指骨終見「生埋」，「但食指就梗咗，要做物理治療！」現時其左手無法拿重物，扭毛巾、沖涼也不自在。

出事後，他更留下嚴重心理陰影，不敢踏足西貢市中心及接聽不明來電，「我以前好單純以為工友、街坊搵我求助、送嘢畀我，一定出自真心，會單獨赴會，但依家驚人哋再呃我出去，check我位置！」在記者要求下，他才首度再踏足案發現場，但他一臉痛苦說感到莫名壓力，「呢度係我好熟悉嘅地方，但即使有你哋（記者）陪住，我都有種迫住我走嘅感覺！」完成訪問後，他更認真說考慮看心理醫生。

35歲的何偉航自2010年開始參與工運，但從未遇襲，估不到走上政治之路後，卻迎來人生第二次死亡，而且相比12歲患骨癌與死神搏鬥的一年，來得更恐怖。由縫針至做手術，他一滴眼淚都沒流過，但當聽到70歲母親的一句話：「何偉航由細到大都係一個堅強嘅小朋友！」令他當場哭崩，「因為我知佢（母親）喺人前扮堅強，背後會匿喺屋企喊嘅人！」

留院6天，母親每朝到醫院為他洗頭、抹身，看着母親再次為他奔波，何偉航深感內疚：「我細個有病，母親陪我喺一年間進出醫院，接受兩次手術和化療，經歷已經夠多。佢（母親）依家70歲，我何偉航唔係做壞事嘅人，點解要佢為呢啲嘢困擾？」

由於針對民主派人士的襲擊案無日無之，他坦言不知自己何時再受襲，惟有更珍惜與母親相處的時間，「即使工運工作、未來區議會工作再忙，我都應承佢返去飲湯，即使得一、兩個鐘，我都會好珍惜同佢嘅時間！」為了母親安心，他更破例定時報告行蹤，「等佢安心啲」。

未來要走的政治路難行，何偉航直言擔心人身安全，但卻沒想過退縮，更決心要踢走「保皇黨」贏得西貢區議員議席：「唔可以畀呢班人得逞，所以我即使想過放棄念頭，但排除萬難都要參選。」

-----------------------------
【匿名港警爆大鑊】
韓國KBS時事節目《時事直擊：香港 被自殺》
一按即睇
-----------------------------
【撐學生】
召集有心人 撐學生全年睇《蘋果》
立即按此
-----------------------------
你敢爆，我敢獎！ 立即WhatsApp《蘋果》24小時爆相爆片熱線 或致電：63836568