騎呢零食:騎呢王青芥核桃糖
似咬硬膠
「嘩!做咩畀啲咁古怪嘢我食?好似食緊膠呀!」「無呀,見粒糖幾得意,味道又怪,咪買嚟試吓囉,點知真係好難食呀!」騎呢永遠係賣點,越騎呢越吸引,正所謂好奇之心,人皆有之,若嫌零食食得多無新鮮感?試過以下介紹的騎呢零食之後,你就發覺原來簡單平凡才是美。
記者:梁學文
攝影:伍慶泉
Model:Tiffany
騎呢指數:★★★★★(5個★爆燈)
騎喺邊度:又辣又甜又攻鼻,好味?
口感:入口初初好硬,嗒嗒吓會變軟。味道開頭甜甜哋,之後開始有少少攻鼻,食到尾仲會食到核桃味。不過,好多人放入口,兩秒即??!
Peter:「我撐佢,夠騎呢,用嚟整蠱朋友一流。」
騎呢指數:★★★★
騎喺邊度:你有冇食過硬番茄?
口感:雖然放入口唔夠1分鐘,但係已經食到好重嘅番茄味。如果你好怕食番茄,千祈咪試,因為像真度高。不過有番茄味得嚟又有甜味,有點奇怪。至於點解我淨係放入口1分鐘?因為唔知自己食緊乜!
No.3 TerraBlues美國天然藍薯片$25.8(a)
騎呢指數:★★★1/2
騎喺邊度:藍色薯片好似發咗霉。
口感:入口硬硬哋,無薯片咁脆但有咬口,味道似芋頭,又似糖心番薯,甜味較重。1個價錢3個味道,抵!藍薯仔係生長喺美國南部的罕有薯仔類型,營養價值比一般薯仔高。
蜥蜴仔:「咬到牙骱都軟埋,不過味道幾好,係咪芋頭片嚟㗎?」
騎呢指數:★★★★
騎喺邊度:講到明係脆條,結果係好軟。
口感:入口有些少辣,跟韓式辣年糕的味道差唔多。嗒落辣中帶甜,食到尾甜味會重過辣味。如果唔話我知係軟軟哋,仲以為漏咗風腍咗,其實係咪可以改名叫軟條呢?
騎呢指數:★★1/2
騎喺邊度:零食都可以翻叮?
口感:Pizza仔可以放入微波爐,叮完之後芝士會溶,好好味!有得玩又有得食,一次過滿足兩個願望。要注意,盒面話用700W微波爐叮20秒,其實叮10秒就夠,叮20秒個面會燶。
喺街頭做過小調查,訪問咗30人,畀人試食騎呢零食。試完,8成人都話Wasabi核桃軟糖好騎呢,冇1個人可以食晒粒糖,一咬已經𦧲都𦧲唔切;不過,亦都有人力撐話夠特別,一定會推介畀朋友㖭!證明騎呢真係有市場㗎!
Look生果味朱古力,1包有4種口味,包括香蕉、菠蘿、蜜瓜同士多啤梨。
(a)西田超級市場
地址:沙田新城市廣場3期
(b)sweethk(31768333)
地址:尖沙嘴半島中心1樓184A
網頁:www.sweethk.com
(c)Great
地址:金鐘太古廣場地庫