0靚模團隊Dount不換新血，最為人記得係第一代嘅Rainbow（胡心諾）同Lavina（前名鍾蕙芝，現名鍾壁而），不過佢哋都已經退團，仲淡出咗0靚模界，但當年成員之一嘅Kivi（何嘉兒，前英文名Sweet），喺2010年出完處女寫真，都同樣消失咗，但噚晚突然傳出Sweet同前經理人Admond訂婚，「綠魔」Karl同黃榕都到賀。

Admond呢幾年連續幫Dount換血，年年書展都出寫真，但估唔到佢暗撻咗22歲舊成員Kivi，據知Admond本同另一0靚模Elke拍拖，兩人今年初分手，今年4月，Admond重遇Kivi，一撻即着，拍拖半年就決定訂婚。

噚晚仲邀請咗朋友喺會所開P，Admond跪地求婚，佢今日接受《蘋果》電話訪問時大晒幸福：「我哋今年撞番好有feel，大家都決定穩定落嚟，我哋商量過訂婚，準備一、兩年就結婚。」

Admond噚晚又送鑽戒，又送花，佢話：「求婚戒指約一卡，都9萬蚊，我希望將來可以用一百萬搞婚禮迎娶Kivi，0依家努力搵錢。」Admond否認奉子才閃電求婚，佢話：「我哋冇BB，Kivi計劃26歲先生。」Admond表示將Kivi私有化後，嚴禁佢再性感出鏡。