《2019亞洲小姐競選》今晚在大埔總台舉行，2017年離開無綫的金剛會為亞姐擔任司儀，他笑言：「第一次幫亞視做嘢，但唔想係最後一次，自己都好想做啲唔同嘅嘢。」問到若亞視找他拍劇，他即表示沒有問題：「我想拍鬼片，同女主角人鬼戀。」而他又表示不怕女友會呷醋，皆因女主角很有可能會是阮小儀。

提到亞視先後裁員，問金剛會否怕最後收不到酬勞？他聞言後即問身邊的經理人是否已收錢，經理人則表示已經收了。問到金剛現時拍拖是否正職？金剛說：「都係睇吓戲，拍拖都算係正職，喺台灣有啲網絡節目，新年後會去橫店拍網大（網路大電影）。」提到聖誕節，金剛表示自己送了一個旋轉木馬水晶球給女友做聖誕禮物，但因女友不知道送甚麼給自己，故請他食大餐。問到向對方求婚了沒有，金剛即話：「未求，求咗話畀你哋知。」

今年的嘉賓陣容比去年強勁，任賢齊(小齊）和欣宜都會表演，欣宜表現興奮，笑言有好多個第一次：「我第一次踏入呢個台，第一次參加呢個騷，剛才綵排都好順利。」她透露為配合髮飾，專登將眉漂色，她苦笑說：「但整得太耐，辣燶咗，有個窿，但我都堅持以後自己染，我係cheap㗎嘞。」

而小齊明顯瘦了一圈，他透露最近忙於為演唱會綵排，他說：「我後日就要去武漢做跨年演唱會，唱足3個半鐘。」他表示父母會同行：「佢哋老家喺武漢，之前爸爸行得慢，唔肯跟我去其他地方睇演唱會，但今次佢喺老家，佢之前都講過話『唔知呢世仲有冇機會』，搞到我都有壓力，所以今次決心帶佢返去。爸爸20年前帶過我返去，仲叫我修好祖屋前面嘅路，但現在發展得好快，我之前返過去都唔認得。」

採訪：黃曉妍
攝影：陳俊強
攝錄：林賓尼

-----------------------------
蝙蝠俠誕生80周年
點擊即睇85頁經典大回顧
-----------------------------
【匿名港警爆大鑊】
韓國KBS時事節目《時事直擊：香港 被自殺》
一按即睇