香港首個涵蓋所有藝術界別嘅藝術發展獎，噚日喺禮賓府舉行頒獎禮，得獎界別包括戲劇、電影、戲曲、音樂、舞蹈、文學及視覺藝術，由民政事務局局長何志平主禮頒獎，得到藝術成就獎嘅包括導演陳果、大老倌阮兆輝等。
藝術家都要食飯，買支筆畫畫都要錢啦，所以大會特設藝術贊助獎，金、銀、銅獎分別由太古地產、恒生銀行同埃克森美孚能源獲得。太古憑於太古坊舉行黃昏及午間音樂會攞獎，但太古地產總經理詩柏上台致辭時，就趁機向何志平投訴，話香港好多地方對舉辦戶外藝術活動都有好多唔合理嘅規則，希望改善吓喎。
（圖）頒獎禮安排小提琴演奏，習過小提琴嘅何志平（結紅領呔者）聽到搖頭擺腦好興奮。


傳真︰2623-9278
電郵︰[email protected]