人紅自然就會多是非，好似女團f(X)成員Luna咁，因為身為公眾人物，好自然就成為不法份子嘅目標，有時唔為意，就會令鍾意偶像嘅粉絲上當。

Luna今日就更新Instagram，自爆被人冒認facebook嘅帳號，佢仲上載咗張facebook截圖，提醒粉絲唔好上當，佢語帶委屈咁留言：「噚日發生咗一件讓我傷心嘅事情，朋友話畀我知，我嘅帳號好似又被人冒充咗，如果有邊個睇到呢個ID請申訴。」

據知近期有唔少明星嘅社交帳號都被無良人士冒充，有啲人甚至作出敲詐、騙財嘅不法行為，令到藝人同粉絲都深受其害。