港股經過一輪升勢後，繼續回氣，不過資金冇放過炒作機會，二三線股百花齊放，好似甜甜系咁，升幅最低消費10%。噚日推介嘅勝利管道（1080）亦唔執輸，逆市抽高近半成，目標價1.09元指日可待。
每年年初往往係炒中央《一號文件》嘅好時機，去年底早着先鞭推介一拖（038），不足兩個月最多累升四成；另一隻三農概念股天業節水（840），同期僅升18%，大有追落後空間。截至去年9月底止，首三季賺1827.5萬人仔，按年勁升4.8倍，集團滴灌系統成功促進農作物生長、節水、節肥及減省勞動力，提高農業生產力，啱晒阿爺嘴型，仲食埋水利改革概念㖭；手頭現金1.31億人仔，扣埋8000萬人仔短債，仲有茄殊揸手，財務狀況穩健。
天業噚日收報1.39元，升8.6%，成交倍增至7球幾，明顯有聰明錢跟進，樂觀估計追番一拖嘅升幅，目標睇1.65元，屆時PB都未夠1.1倍。
唐牛