美國天后Taylor Swift一向善心爆棚，佢早前向一名無家可歸懷孕歌迷送暖，買咗間屋畀呢為女歌迷，相當誇張。

女歌迷Stephanie公開咗偶像嘅善行，佢指自己懷孕8個月時突然無屋住，男友亦失業，早前佢去睇Taylor喺曼徹斯特嘅演唱會時，Stephanie媽咪就希望Taylor可以畀一啲希望女兒，當晚Taylor請咗Stephanie去後台，Stephanie話「Taylor表示會退回門票費用給我，但實際上Taylor買了一間屋給我們，以及預備BB一切所需，她說：『我希望你可以專心照顧小女孩，不需要擔心其他東西。』」

Stephanie嘅BB已經出世，佢話考慮咗好耐先決定將偶像善行公開，同時公開咗同Taylor合照，同埋屋企嘅照片，佢好感謝偶像為自己做嘅一切，並形容Taylor係一位天使。