當年今日
關於我們

新人王唔識Social變是非精
薛凱琪啃娛樂圈套餐暗垂淚

蘋果日報 2004/12/24 00:00


薛凱琪(Fiona)近期再備受態度囂張的傳聞困擾,日前她表示曾因此落淚,並希望是非快過,讓她可以過一個歡樂聖誕。Fiona自言從沒想過在娛樂圈打滾要兼顧很多事,包括交際應酬。
薛凱琪是今年大熱新人之一,故工作不絕,即使普天同慶的聖誕佳節來臨,她也不敢應承任何約會,Fiona日前在尖沙嘴接受訪問時說:「入行之後我做咗好多次飛機王。」

令父母尷尬
Fiona今年不停被是非困擾,近日再傳她態度囂張,Fiona揚言心情大受影響,更難過得躲在家裏落淚,Fiona無奈地說:「最唔開心係我爹哋媽咪,佢哋知我被人誤會,驚提起會令我唔開心,我feel到佢哋都好尷尬,我又唔會講,所以呢幾日個心好唔舒服,我都想啲是非喺聖誕前快啲過。」

拍戲哭不停
Fiona續說:「一連串嘅新聞仍然係話我寸,好似個唔肯悔改嘅人,唔通我出嚟喊苦喊忽咩?我冇得罪人,係唔識social(交際),之前我驚同唔熟嘅人講嘢,會以為我博乜?做娛樂圈淨係識唱歌、演戲嘅話,我好適合,但原來係有成個package(套餐),重要知點同人相處。負面報道寫咗出嚟,我要講對唔住都唔知同邊個講,好無奈。」
幸好Fiona仍有不少機會,她獲爾冬陞賞識,演出下月開拍的文藝愛情片,在片中扮演富家女,與房祖名做情侶,屆時Fiona還要做喊包。她說:「我做騷嘅時候見過祖名,佢非常有禮貌,係個好榜樣,我要跟佢學吓。」
採訪:朱倬誼 攝影:林德雄
化妝:JessicaChan
髮型:Derrick&Wil(ChinG)
場地:小熊國
empty
Fiona入行後與是非總是糾纏不清,日前她更因此而落淚。
empty
薛凱琪性情率直,她揚言因不擅表達而常遭別人誤會。