鄭說12年前已促港府中港活雞分流,政府卻當耳邊風,指港府早應實施中港活雞分流,甚至停輸入內地活雞,每天增加供應7000隻本地活雞,本港農場可應付需求,「大陸活雞個價時高時低,搞亂香港雞個價。寧願大陸淨係來冰鮮雞,本地活雞仲有得平」。
鄭揚言,若政府下周三年初六的答覆「支吾以對」或「遊花園」,將提司法覆核及示威升級,形容同業日前架車載大批活雞上禮賓府示威「完全唔激烈」,將聯同雞農、零售、批發商、運輸業及家屬等「做啲好激烈嘅嘢」,「遲早唔會得一個雞農跳海,係成條青馬大橋封咗嚟跳。希望市民體諒我哋,𠵱家政府睜大眼講大話。」
協助雞農的民協立法會議員馮檢基稱,雞農曾提出賠償及中港雞分流等建議,政府稱下周答覆,他說雞農「一路覺得有得傾」,近日官員表明研究取締活雞,「對雞農來講好負面,所有問題唔係香港發生,使乜禁絕成個行業?」