農曆新年一過，病君一個二個走晒出嚟，個個都喺微博展示自己要食幾多包藥、啲藥有幾難食，個樣有幾病——好似李克勤同肥妹小寶(陳嘉佳)咁，搞到微博好似群星病歷表。又唔係趕開工，好心唔舒服就瞓吓啦，唔好上網喇。

今日貼病樣嘅，係王菀之（Ivana），佢憑《老表，你好嘢！》晴晴一角人氣急升，紅咗自然就賺多咗，財多咗就自然身子弱咗，今日佢就自拍一張病照，上載微博： 「從小到大，每次車程遠一點都想吐，又會臉色蒼白。小時候出門媽媽必幫我帶個膠袋，怕吐會弄髒別人的車子，有人説慣性暈車心理會讓人暈車，我真的覺得不是心理作用，我過去幾萬次每次如是，由高高興興的出門，到目的地變心情低落。」

之不過其實佢病咗同未病個樣，都唔係差好遠。唔好成日「仍」住自己病，做多啲運動，俾多啲信心自己先得0架﹗