睇新聞，華為「祭出」新手機Mate 30，加埋5G基站設備，全部零件「走美國」，可謂一巴車落特朗普塊面，愛國小粉紅精神則為之一振！

《華爾街日報》嘅報導，拆開華為部新手機，佢所有硬件零件竟然唔用美國貨，係當地科技界極為轟動，立時有人挺身而出，抨擊特朗普間接鼓勵華為奮發圖強。

睇返部手機，係禁令推出之前，華為習慣向Qorvo同埋Skyworks兩間美國企業購買半導體零件，有咗禁令之後，華為已停止向Skyworks採購，改向日本企業村田製作所購買零件。與此同時，亦都停止向Broadcom購買WiFi同藍牙相關零件，改用自家製硬件。要知道，華為全資擁有的半導體公司Hisilicon，以深圳為基地，其對華為最大貢獻在於設計了麒麟芯片，生產則由台積電供應。

大家或會問，擺脫咗美國硬件，以後華為是否打橫行？首先，華為的確不需直接向美國企業買硬件，但係軟件方面，佢嘅手機仍然依賴美國製造。唔好講話，好多芯片層面軟件嘅知識產權，依然係需由美國企業所擁有，更重要係作為一部Android手機，就目前而言，你唔可能無Google提供嘅服務。

當然，有人認為騰訊Wechat嘅存在，正正為為咗取代Android作業系統。作為一個Super App，自身可以提供即時聊天、社交媒體、支付、App Store等多種功能。問題是Wechat一旦離開中國市場就失靈，外國人用Wechat只為跟中國做生意溝通，唔會為咗Wechat而放棄Google。換言之，Wechat不可能對Google構成威脅。

重點是，美國未來將如何回應華為？邏輯上，大概有兩個可能性：一是解除禁令，因為對美國企業而言，華為確實是個不可多得的大客戶，特朗普或有可能，為了部分美國企業的利益，去解除對華為的禁令。二是加強圍堵，就上文所述，華為轉向日本及台灣企業採購硬件，鑑於兩者均屬美國的盟友，特朗普要求兩國加入對華為的包圍也未嘗不可。

我沒有水晶球，只能靠邏輯去分析，那一方面的可能性較高。但最想點出的是，華為也好，香港也好，都是美中兩大國角力的擂台，我以前曾寫過，希望香港不要成為下一個華為，結果半年以後，香港情況竟較華為更堪虞。故此我認為華為的下場，絲毫不樂觀呀。

尹思哲

investMAN
For People of Style & Substance
掌握理財智慧 感受生活品味
http://investMAN.hk