九巴決定解僱4名車長後，有工會及車長到車廠門口聲援，包括已入職九巴逾3年的姓甄車長。

他認為九巴做法有部署：「由數天內宣佈加薪或福利，以安撫車長；但轉個頭，完全沒有通知，即解僱幾個車長，做法未能接受。」他續說：「人工得萬5蚊，茶餐廳洗碗阿姐都有！公司成日話我哋係專業人士，但人工等於洗碗阿姐！嘩，真係幾專業吓！」

被問到會否擔心公司秋後算賬，甄車長表示：「係都無得驚啦，頭先人事部已經派人影咗我哋相，甚至唔係人事部，亦都有幾個人影咗我哋相。」

你敢爆，我敢獎！ 即Call《蘋果》24小時爆相爆片熱線 ：63836568