澳洲殿堂級練馬師大衛希斯，獲發下季練馬師牌照，當年他在港曾訓練馬后「勝威旺」贏出打吡，「更歡笑」贏國際賽香港短途錦標，亦曾帶領「喜蓮精神」遠征杜拜，跑一級賽司馬經典賽得第二。

希斯下季崔護重來香港練馬，目標肯定是染指國際一級賽，並繼續派馬遠征，力求再次揚威國際。

周日（15日）第四場五班1400米，有九駒今季已經跑過，陣上表現具參考性。鄭俊偉旗下馬「香江世億」上季曾經兩度在賽後發現鼻孔或氣管有血，體質弱不宜勤拼，必需把握休後復出頭一兩仗的機會搏殺。

「香江世億」體重超過1150磅，肉身大舊馬，靠速度擺前走，灑開大步會越走越順。前仗跑田草1200米放頭跑第二，連後勁強的「越跑越好」都追佢唔到。

「香江世億」開鑼戰（1日）再跑該程，起步反應理想，但史卓豐卻收慢留後，有違最佳跑法，結果跑第十名，而實際耗力不多。

「香江世億」今次增程跑1400米，前段肯定夠快搶出望空領放，周日草地賽採用C加3欄彎位闊，中段有機會回氣，加上直路窄令後上馬易受擠阻，前領馬形勢會有利。

今仗「香江世億」改由梁家俊策騎，騎練上季合作贏過「向前看」，剛周三（11日）「紅褲日」搏殺亦幾乎贏，這對組合可以信賴，有力收復前失。

-------------------------------
參加《玄機解馬》節目，可免費畀美女堪輿學家唐碧霞睇八字、睇相指點迷津，快啲入嚟報名。
https://forms.gle/dN9hfSiFxc7T8E436
-------------------------------
馬匹賽績、騎練數據、名家貼士
【最強贏錢武器 盡在蘋果馬網】
https://hk.adai.ly/e/5nFdCiYq8Y
-----------------------------
【撐學生】
召集有心人 撐學生全年睇《蘋果》
立即按此
-----------------------------
《囚牢之疆》 專頁
揭開集中營邪惡面紗
今日新疆 明日香港