九月二十三日本欄講《白日打劫》,講到英國嘅電視牌照費。分析師W小姐睇完對左丁山講:「梗係唔畀啦,我喺李斯特城讀書之時,啲留學生冇人肯畀電視牌照費,人人都博懵,英國人講到交稅,亦都唔係老實人啫。」
但係博士Y就寫英文電郵嚟,講到:「我喺劍橋讀書七年(直至完成博士課程),有四年都冇電視睇。劍橋地區經常有政府人員巡查街道,利用特別儀器偵查屋內收睇電視時發出嘅『輻射』,直情可以知道你在屋內睇緊乜嘢節目。好多劍橋學生宣稱自己俾『電視特警隊』捉到,罰款係電視牌照費嘅四倍!窮學生於是唔敢買電視,或者只係睇黑白電視——嗰陣係八十年代喎,你話幾荒謬,所以我好憎BBC。」