恭子2in1方便
女人打呔當然唔係新鮮事啦，但近排就有唔少日本女士興着到好似深田恭子呢個look咁。大家一睇就明，所謂嘅新打呔法，就係用一條比較幼嘅領呔，嚟襯一個好女性化打扮嘅look。當中如果有件好似恭子着住嘅連呔背心，咁就更加方便同活潑啦！
菊川怜幼得有Taste
菊川怜去親公開場合都會好鬼斯文，最近佢出席日劇《因為愛所以欲被愛》記招時，以ChristianLouboutin嘅連身裙襯PAOLAFRANI嘅毛毛高踭鞋，然後再加上一條黑幼呔，表現出一貫斯文中見爽朗嘅形象，難怪唔少時裝設計師都讚佢有taste咗。
上戶彩攝入胸隙
「恭子追擊手」上戶彩嘅衣着好飄忽，一時好少女、一時好男仔頭，一時又會好似呢個拉鏈背心裏面攝條黑領呔咁，性感得嚟又會有啲令人想入非非嘅Feel。
金美侖背脊掉掉fing
同場加映金美侖戴雅絲（CameronDiaz）去日本時，亦趁熱鬧，重更加玩嘢咁將條呔前後調轉嚟打，想學到佢咁Yeah嘅話，真係少啲功夫都唔得！