馬賽身形圓潤,腹部明顯隆起,佢留言話睇到報道野生捕獲肥咗22磅嘅自己:「相比之下,我比較願意承認美圖相機下的我。」將做人母嘅馬賽𠵱家安心養胎,佢以短訊回覆:「現在懷孕期已胖了10kg(22磅),醫生說雖然我基礎體重比較輕,但也要注意不要太胖。」馬賽又話會保持做運動嘅習慣以助順產:「所以我每星期會做三到四次瑜伽,幫助喼弗,同希望為順產做好準備。」
向來食齋嘅馬賽,為保胎兒營養充足已改食肉,佢話:「之前吃長素四年幾時間,一直好健康,但孕期反而有少少貧血,所以醫生建議食番少少肉。」此外,馬賽好友李美慧分享陀B貼士:「我喺懷孕時食咗邊樣食物覺得唔錯,仲有啱食嘅,有介紹畀佢。我叫佢唔好太肥,最後會肥喺媽媽身上,唔喺BB身,佢生完我仲會介紹佢紮肚同催乳師。」
撰文:馮仁昭