鄭嘉穎同陳凱琳呢個12號會喺峇里結婚，不過兩位當事人認真口密，暫時都未有公開婚禮嘅詳情。噚晚嘉穎表弟王賢訊喺灣仔出席仁濟活動，佢話自己都係同大家差唔多時間知道：「佢冇俾帖我，亦都冇講過呢件事，如果佢請我一定會去！」

王賢訊仲話：「之前喺家庭聚會見過陳凱琳，好nice。」至於有傳嘉穎雙喜臨門，佢就話：「呢個真係唔知，係真嘅話梗係開心，嘉穎都係時候！」

同場仲有何傲兒，講到佢主演嘅大陸劇《歸去來》大受歡迎，傲兒話：「o依家中港地走，會拍劇同電影，不過我唔會主力喺大陸發展，香港係我嘅家，但係都希望可以多啲嘗試。」

精選娛聞，喺晒《娛果》
http://fb.com/appledailyent