韓國人夫李秉憲近來因為醜聞纏身,搞到佢有份拍攝嘅荷李活新片《未來戰士:創世智能》差啲喺韓國上映無期,不過噚日韓國方面表示,新片將於七月上映。
樂天娛樂表示:「《未來戰士:創世智能》將於今年七月喺國內(韓國)正式上映。該片由美國派拉蒙電影公司出品,原定由CJ娛樂公司喺韓國發行,最終交由樂天娛樂負責。」早前已有傳因為李秉憲嘅醜聞,令CJ娛樂卻步唔負責新片發行,更一度差啲令電影上映無期。
《未來戰士:創世智能》將於七月一日喺北美上映,目前已進入宣傳期間,片中李秉憲飾演液態金屬機械殺手T-1000。
另外,李秉憲嘅大肚李敏貞,目前喺美國陪老公,不過其事務所表示李敏貞會於春節前後回韓專心安胎,而老公會唔會同佢一齊返韓國就仲未知。