歷史總係不斷地重演，仲以為阿仙奴今季歐聯16強抽到支好籤，對住實力冇咁高嘅摩納哥可以打破近年嘅宿命，殺到入8強啦，點知結果都係唔得之餘，過程仲要熟口熟面，次回合贏2:0，總比數3:3輸作客入球，光榮出局。不過，有球迷話，阿仙奴次名出線都抽到摩納哥咁好籤，但係都要出局，同當年曼聯分組賽抽上上籤都出局一樣，那裡來的光榮？

唔經唔覺，原來阿仙奴已經連續第五年喺歐聯16強出局，差一年就可以追到皇家馬德里2004/05-2009/10連續六年16強出局嘅紀錄。但係點計都係阿仙奴威啲，差唔多年年都係聯賽第四，分組賽次名出線，再喺16強首回合落後，次回合追近光榮出局。雲格帶嘅呢隊阿仙奴，都可以算係歐洲球壇最有紀律嘅球隊囉！